Les dignitaires du Temple Frère Hugues de Pairaud
Lettre de Frère Hugues de Peraud Visiteur Général des Maisons de la Chevalerie du TempleA touz ceux que ces présentes lettres verront et orront Fres (freres) Hugues de Peraud gnals (général) visiteur des mesons de la chlrie (chevalerie) dou temple deça mer salut en nre seign (notre seigneur). Sachent tuit (tous) que selon le resgart de la divine pitié entendenz la dévote religion et (et) honeste vie es queles li fres (frères) et les sereurs (soeurs) de la meson dieu — (Meson-Dieu ; était l’ancien nom de la commanderie de Coulommiers) pseverent (persevèrent) et (et) les euvres de miséricorde faites chascun jour en cette memes meson dieu assise es Coulemers (Coulomiers) dou conseil et (et) de lassentement de noz freres donons aus dessus diz fres (frères) et (et) sereurs de la dicte meson dieu psenz (présent) et avenir faculte octroi et plein pvoir (pouvoir) par la teneur de ces lettres que il tiegnent nantissent et possèdent atoujourz sanz rappel une meson seant a Coulems (Coulommiers) mouvent de la censive de nre (notre) meson dessus Coulems (Coulommiers) a quatre deniers tournois petiz de cens acoustumez a paier chascun an en notre meson dessus dite au jour de feste saint Remi ou chief dé Octobre. Joignant de une part a la dicte meson dieu et de otre part a la meson Simon Paillart affrontant p (par) devant au chemin le roy et par ders (derriere) a la dicte meson dieu laquele meson f euz jadis Jacques de Patras lessa pour dieu et en aumone aux freres et aux sereurs dessus diz. Sauf tant que il seront tenu a rendre et a paier chascun an les cens dessus dit au terme et au lieu dessus diz souz la peine de la commune amende de deffaut de paier cens. Et pmetos (promettons) en bonne foi a tenir fermement le dit octroi en la maniere dessus dite sanz rapel et sanz contredit. En temoignage des queles choses nous avons done aux diz freres et sereurs ces presentes lettres scellees de notre scel faites en lan de notre Seigneur mil trois cent et deux au mois de juignet.
289. — Hugues de Perard, commandeur du Temple, decharge la princesse d’Antioche de toutes dettes envers le Temple.
— 2 janvier 1293, nouveau style. — (Original, carton 21. Sceau perdu).
A touz cels qui ces presentes lettres verront, freres Hugues de Perart, commandeeurs de la chevalerie dou Temple en France, representenz en France la persone dou grand maistre de toute l’ordre deladite chevalerie dou Temple, salut en nostre Seignor.
Gie fais a savoir a touz que cum dame tres noble, ma Dame Marguerite de Biaumont jadis princesse d’Antioiche et contesse de Tripe (31) heust heu et receheu des biens dou Temple en la terre de Ultre mer, gie, pour cause de ce, hai heu et recehu de ladite dame jusques à la somme de trois cens livres de tournois, peiez en monnoie numbree ; lesquiex deniers gie affirme estre convertis au pourfit dou Temple.
Pour laquele chose gie, en nom doudit Maistre et de toute ladite chevalerie dou Temple, quite et clains quites ladite Dame et ses hoirs desdiz biens et de toutes autres detes et obligations es quex ladite Dame estoit et povoit et devoit estre tenue et obligie au Temple pour la cause desusdite et pour quelescunques autres causes ; voulens et otroianz ou nom desusdit que se ladite Dame trovoit, des ores en avant,
en sa conscience que se il estoit ausius dou Temple, ou de par le Temple, que ele fust en plus tenue au Temple que lesdites trois cens livres se montent, ele des ores et ses hoirs en demourent quite et delivre ; et gie, ou nom desusdit, les en quite et absoil à touz jours perpetuelment, et le li doins, ou nom desusdit, en pure aumosne ; en tele meniere que se plus m’en a paie que ele n’en devoit au Temple, ele le donne ausins au Temple en pure aumosne.
Et promet en bonne foi, ou nom desusdit, moi porter a ladite Dame et à ses hoirs garentie bonne et léal des choses desusdites vers toutes gens, et especialment vers le grand maistre desus dit ; et moi pourchacier léalment et baillier ou fere baillier à la dite Dame lettres pendanz dou grand maistre desusdit, de quitance des choses desusdites, pour ladite Dame et pour ses hoirs ; et moi rendre et restablir touz les domaiges et coustemenz que ladite Dame et si hoir encourroient et metroient, par defaut des choses desus dites ; et moi sur ce croire à ladite Dame par sa simple parole, et à ses hoirs par simple serement, sanz autre preuve.
Obligenz à ce, ou nom que desus, moi et mes successeurs, et le temporel appartenant à mon office.
Et pour que ces choses soient fermes et estables, gie hai seelle ces presentes lettres de mon seal.
Donnees à Tournaire (32) en l’an de grace mil deux cenz quatre vinz et quatorze, le secunt jour de janvier.
31. Triple, Tripoli.
32. Tonnerre.
Sources : Dutilleux, Adolphe et Depoin, Joseph. Cartulaire de l’abbaye de Maubuisson (Notre-Dame-la-Royale). Contrats (titres III à XIV du Cartulaire) BNF
Geoffroy de Chanay